16'02.07 ~ 東方日報

mm..

16'02.07 ~ 東方日報

周慧敏看淡得失重視圈中情

今年是周慧敏（Vivian）投身演藝界30周年，對於會否舉行紀念演唱會仍然未有定案，現階段的她早已過了要力爭上游的競爭期，看淡名利得失，最珍惜反而是在圈中建立的友誼以及歌迷對她的愛，這也是她繼續演藝事業的原動力。

Vivian說：「唔想咁快規限咗要點樣，會有壓力，其實唔一定係開演唱會先可以慶祝。由04年出番嚟到依家，呢10年時間我以fans開心為本做咗好多嘢，佢哋一直都令我接收到好多愛同支持，我好珍惜佢哋，有魄力嘅話我都會做。不過我有日終會離開舞台，相信唔會做到80歲，而係會慢慢淡出，佢哋都唔會畀壓力我。開唔開30周年演唱會同埋往後嘅工作方向都交畀神，如果各樣嘢都OK同配合到就會做，唔可以太過heavy同大壓力。」

以工作回饋大家

今時今日的Vivian早已看淡個人名利得失，在圈中30年最令她珍惜的是一份情：「呢30年嚟最難忘係得到嗰份友誼，依家我已經過咗追求個人滿足同埋挑戰自己嘅階段，好珍惜同fans仲有工作夥伴之間嗰份感情，佢哋成為咗我嘅推動力，令我繼續keep住工作。我嘅工作係一份恩賜嚟，當我仲可以擁有呢份職業，我都想好好利用佢嚟回報大家。」對於被指猶如吃了防腐劑似的，樣子不會變老，她說：「我覺得aging係自然定律嚟，會接受，最緊要係身體健康。作為Suisse Programme代言人，keep住最佳狀態係我嘅專業。」

mm..

dickhu823

V，就算不开演唱会，也要搞一场30周年歌迷聚会